Оқиғалар Түркістан облысында пошта қызметкері 4 млн теңгені ұрлаған
Отырар АПБ-ға пошта бөлімшесінен арыз түсіп, онда бөлімше қызметкерлерінің бірі заңсыз түрде пошта ақшасын алып, кетіп қалғандығы айтылған
Аталмыш факті Отырар АПБ-ның сотқа дейінгі тергеудің бірыңғай тізіліміне тіркеліп, сотқа дейінгі тергеу басталды, деп хабарлайды Zakon.kz сайты.
- Отырар АПБ-ның жедел тергеу тобының қызметкерлері күдікті азаматтың бөлімше қызметкерлерінің жалақысына бөлінген 3 800 000 теңгені заңсыз алып кеткенін анықтаған. Шұғыл тергеу жұмыстары барысында полиция қызметкерлері күдікті Отырар қаласының тұрғынын Тараздан ұстаған. Дәлел ретінде ұрланған ақшаның жартысы тәркіленді (1 млн теңге шамасында). Қалған соманы ол жұмсап үлгерген. Күдіктіден елден шықпау туралы қолхат алынды, - деп мәлімдеді полиция бөлімшесінде.
Қазір осы факті бойынша ҚР ҚК 189-бабы бойынша сотқа дейінгі тергеу жүріп жатыр.