ШҚО-да келіншек пен оның нәрестесі иіс газына уланып қалды
Оқыс оқиға кеше Шемонаиха қаласында түнгі үштер шамасында орын алды
Абырой болғанда, құтқарушылар дер кезінде жетіп, жеңіл уланған келіншек пен нәрестесін аудандық ауруханаға жеткізді.
Шемонаиха қалалық ТЖБ баспасөз қызметі хабарлағандай, қазір бала мен анасының денсаулығына қауіп төніп тұрған жоқ, жағдайлары бірқалыпты.
Мамандардың айтуынша, бұндай жағдайға үй иелерінің пеш жағу барысында қауіпсіздік ережелерін сақтамауы себеп.