Оқиғалар Семейде педофил қолға түсті
Ауыр қылмыс жасады деген күдікпен қолға түскен азамат бірден кінәсін мойындады
Өткен жұма күні Семей қалалық ІІБ-ге жергілікті тұрғын шағымданып келген. Оның айтуынша, белгісіз біреу оның кішкентай ұлын зорлап кеткен.
Тәртіп сақшылары дереу қылмыскерді іздеуге кіріскен. Осылайша, оқиға орын алған аудандағы барлық бейнебақылау камераларының жазбалары жіті тексерілді.
- Іздеу жұмыстары нәтижесінде криминалды полиция қызметкерлері 26 жастағы бұрын істі болған семейлік азаматты қолға түсірді, - деп мәлімдейді ШҚО ІІД баспасөз қызметі. - Тергеу барысында күдікті кінәсін мойындаған. Қазір оған қатысты ҚР ҚК 121-бабы 4-бөлігі бойынша сотқа дейінгі тергеу шаралары жүргізілуде.
Күдікті уақытша қамау изоляторына тоғытылды.