Оқиғалар Жұмыссыз нашақор тәртіп сақшыларының қолына түсті
Есірткі затын сақтағаны үшін Көкпекті ауданының тұрғыны қоғамдық жұмыстарға тартылады
Көкпекті аудандық №2 сотының баспасөз қызметі хабарлағандай, Сарыбел ауылының тұрғыны есірткі затын жасап, достарымен бөліскен.
Алайда ол сол күні-ақ тәртіп сақшыларының қолына түсті. Марихуана сүйер азаматқа қатысты ҚР ҚК 296-бабы 2-бөлігі бойынша қылмыстық іс қозғалды.
Сот тұтқынға алынған азаматтың қылмыстық жауапқа бірінші рет тартылып тұрғанын, қылмысын толық мойындап, өкініш білдіргенін ескеріп, оған 60 сағаттық қоғамдық жұмыс түріндегі жазаны тағайындады. Одан өзге, істі болған азаматтан Зардап шеккендер қорына ақы өндіріліп алынатын болады. Қаулы әлі заңды күшіне енген жоқ.
