Оқиғалар 4 мың теңге үшін кассашы қызды өлтірмек болды
Белгісіз ер адам қаладағы букмерекерлік конторлардың біріне кіріп, тонамақ болған
Қаскөй бетін жейдесімен тұмшалап, конторға кірген. Ол кезде конторда 25 жастағы кассашы-оператор ғана болған көрінеді.
Ал касса жанында 4500 теіге жатқан – қызметкердің өз ақшасы. Зардап шегушінің айтуынша, ақшаны байқаған азамат пышақ алып шығып, қорқытып, ақшаны алып кеткен.
ШҚО ІІД баспасөз қызметі хабарлағандай, бейнебақылау камерасының көмегімен қылмыскердің кім екені анықталды. Ол 26 жастағы Семей қаласының тұрғыны болып шыққан.
Тергеу барысында анықталғандай, оқиға орын алғанға дейін 40 минут бұрын қылмыскер конторға келген екен. Оның әрекеті сол кезде-ақ күдік тудырған.
Енді азамат бұл қылығы үшін бес жылдан он жылға дейін бас бостандығынан айырылуы мүмкін. Қазір күдікті тергеу изоляторына тоғытылды.
