Оқиғалар ШҚО-да сәбиді үйдің қабырғасына лақтырып мерт қылған ер адам сотталды
Семейдің мас тұрғыны бірге тұрып жатқан пәтерлесінің бес жасар баласын хайуандықпен өлтірген
Оқиға былтыр желтоқсан айында болған. Содан бері бірнеше сот процесі болып, үкім енді ғана шығарылды, деп хабарлайды Устинка LIVE.
Ер адамның жас балаға не үшін ашуланғаны белгісіз. Бірақ ашуын бүлдіршіннен алмақ болған ол үйде ойнап жүрген баланы қабырғаға қарай қатты лақтырып жіберген. Ал бала алған жарақаттан тіл тартпай кеткен.
ШҚО Қылмыстық істер жөніндегі ауданааралық мамандандырылған соттың баспасөз қызметі хабарлағандай, күдікті 19 жыл бас бостандығынан айырылған.
