Оқиғалар Алматы тұрғыны түнгі клубқа «бомба қойып», жарты жыл абақтыға қамалды
Оқиға 2017 жылдың 22 қазанында болған. Күдіктіге жаза енді ғана берілді
Түнгі сағат үште белгісіз бір адам клубқа кірмек болған, алайда күзетшілер оны жібермей қойған, деп хабарлайды Tengrinews.kz.
Клубқа кіре алмаған тұрғын полиция мен өрт сөндіру қызметіне хабарласып, мұнда бомба жасырынғанын айтқан. Арнайы қызмет мамандары бірден оқиға орнына келіп, бомбаны анықтамақ болған. Алайда оны таба алмады, есесіне, хабарласқан күдіктіні бірден тауып алған.
Алматы қаласының №2 Медеу аудандық соты хабарлағандай, күдікті өзінің жасаған әрекетіне өкінген. Сот оны алты ай бас бостандығынан айырды.
