Оқиғалар Оңтүстік Қазақстанда үш адамды өлтірген қылмыскер іздестірілуде
13 және 22 жастағы екі ұлдары мен егде жастағы әйел адам қылмыскердің құрбаны болған
Шымкент полициясы үш адам өлімі фактісі бойынша тергеу жұмыстарын жүргізуде, деп облыстық Ішкі істер департаментінің баспасөз қызметі хабарлайды.
- 8 ақпан күні кешкісін Шымкент қалалық ІІБ Абай ПБ-ның кезекші бөліміне жеке үйлердің бірінен мәйіттердің табылғандығы туралы хабарлама түскен. Полиция қызметкерлері оқиға орнына жеткен кезде үш адамның – 50-55 жас шамасындағы әйел адамның және 13 және 22 жастағы жас баланың мәйітін анықтаған. Олардың жеке басы анықталған, - делінген полицияның жұма күні таратылған ақпаратында.
Аталған факті бойынша сотқа дейінгі тергеу жүргізілуде, сараптама тағайындалды.
Сондай-ақ, ақпаратта қазіргі уақытта криминалдық полиция қызметкерлері күдіктілерді іздестіру бойынша барлық қажетті іс-шараларды өткізіп жатқандығы баяндалады.