Денсаулық сақтау басқармасы тегін дәрілердің қайда беріліп жатқанын айтты

Облысқа тегін дәрі-дәрмектер біртіндеп түсіп жатыр.
Алайда оның барлығы ауруханалар мен дәріханаларға жеткізіле алмайды.

- Тегін дәрілерді жергілікті поликлиниканын терапевт дәрігерлерінен ала алады. Пациенттерді қолдау қызметінен, аурухананың бас дәрігерінен де тегін дәрілердің бар-жоғын біле алады, - дейді облыстық денсаулық сақтау басқарма басшысының орынбасары Ілияс Мұхамеджан.

Қазір Өскемен қаласындағы №1, №2 поликлинкаларда, "Вита", "ЕМ АЛУ плюс", "Авиценна" ЖШС ауруханаларында, Солтүстік жағалау клиникасы мен Амбулаториялық орталықта беріліп жатыр. Ал қалған ауруханалар тегін дәрі-дәрмекті беруді ұйымдастыра қоймады.
Ал Әуезов атындағы №1 поликлиника мен Бурова атындағы №2 поликлиникаға келіп тұрғындар өз рецептісі бойынша тегін дәрілер ала алады.
"СК-Фармация" мәліметтеріне сүйенсек, артериалды гипертензия, ишемиялық ауруларға, аритмия, қант диабеті, склероз, кейбір онкологиялық ауруларға қажетті дәрілер беріліп жатыр.