Оқиғалар Владимирск облысында апат болған автобустың иесі Мәскеуде ұсталды
Мәскеу соты заңсыз жолаушы тасымалымен айналысқан қазақстандық азаматты, Байдолла Налтаевты, 4 желтоқсанға дейін қамауға алу туралы шешім шығарған.
Владимириск облысында ауыр апатқа ұшыраған автобус та аталған заңсыз тасымалдаушының көлігі болып шыққан.
- Б.Налтаев шетел азаматтарын миграциялық есеп құжатынсыз заңсыз тасымалдағаны үшін әрбір жолаушыдан 5000 рубль шамасында сыйақы алып отырған, - дейді Ресей Тергеу комитетінің баспасөз қызметі.
Ведомства Владимирск облысында апатқа ұшыраған автобус ішіндегі 17 жолаушының көз жұмғанын жеткізді.
Аталған азаматқа қатысты екі айып тағылуы мүмкін. Оның бірі – қауіпсіздік талаптарын сақтамай жолаушыларды тасымалдау. Бұл бойынша қылмыстық іс қозғалуда. Екіншісі шетелдік азаматтарды заңсыз тасымалдаумен байланысты болуы мүмкін.
Айта кетейік, 6 қазан күні Владимирск облысы, Петушин ауданында қазақстандық автобус пен пойыз соқтығысып, 58 адам зардап шеккен еді. Оның ішінде, 17-і қаза тапты.