Қазақстан Базарда малды тірідей сатуға тыйым салынды
Қазақстанда «Азық-түлік өнімдерін бөлшек және көтерме сауда нысандарында сатудың санитарлы-эпидемиологиялық талаптары» бекітілді.
Бекітілген ереже бойынша тұрғын үй ішінде орналасқан азық-түлік өнімдерін сату орындарында машина бөлімдерін, суытатын камера, жүктиегіштерді орналастыруға тыйым салынды. Ет өнімдерін сататын жерлерде ет шабатын арнайы орындар мен ет жуатын раковиналар болуы қажет.
Ережеде келесідей азық-түлік өнімдерін сатуға тыйым салынған:
1) Үй жануарларын, құстар мен төрт түлік малды тірі күйінде сатуға;
2) Үйде дайындалған консервілерді сатуға;
3) Үйде дайындалған кулинария өнімдерін сатуға;
4) Саңырауқұлақ қосылған тағамдарды сатуға.
Ереже ресми түрде жарияланған соң, 21 күннен кейін жүзеге асырылады.