Оқиғалар Балаларға сексуалды зорлық көрсету фактісін жасырған 50-ден астам педагог жазаға тартылды
Ағымдағы жылы 50-ден астам білім қызметкерлері әкімшілік жауапкершілікке тартылды, - дейді ІІМ әкімшілік полиция комитетінің ювеналды полиция бөлімінің басшысы Әсет Оспанов
2017 жылдың 1 қаңтарынан бастап Әкімшілік құқықбұзушылық Кодексі бойынша білім ұйымында немесе одан тыс жерлерде орын алған зорлық фактісі туралы құқыққорғау органдарына хабарламаған, жасырған білім ұйымының қызметкерлеріне жауапкершілік артылады.
Оның айтуынша, педпгогтар білім мекемесінің абыройын түсірмеу үшін аталған жағдайларды жасыратын сәттер кездескендіктен осындай жауапкершілік енгізілді.
Сонымен қатар 2018 жылдың 1 қаңтарынан бастап педофилдерге қатысты мәжбүрлі химиялық піштіру қолданылатыны айтылды.
Ол жазасын өтеу орнында да, одан тыс та жүргізілетін болады. Дәрілер иньекция ретінде беріледі, - деді ол.
ІІМ өкілінің айтуынша, бірінші жарты жылдықта кәмелет жасқа толмағандарға қатысты сексуалды қылмыс саны 31 пайызға төмендеген. 2016 жылы 531 қылмыс, ағымдағы жылы 364.
Оның айтуынша аталған қылмыс әлеуметтік жағдай төмен жанұяларда, алкогольдік мас күйінде орын алады.
Ішкі істер органдарында барлығы 12 мың әлеуметтік жағдайы төмен отбасы тіркелсе, онда 16 мыңнан астам бала тәрбиеленуде.
