Оқиғалар Қытайда 200 мыңнан астам жемқор шенеунік жазаланады
Ақпарат бойынша, 200 мыңнан астам шенеунік қызметтік міндетін бұзғаны үшін жазаға тартылады, әңгіме жемқорлық төңірегінде
Жүргізілген тексеру қорытындысы бойынша, 210 мың әртүрлі деңгейдегі мемлекеттік қызметкерлер 2017 жылдың қаңтарынан шілде аралығында заңсыз әрекеттермен, тәртіп бұзу және сыбайлас жемқорлық сызбалары бойынша ұсталған. Заң бұзушылардың арасында 176 мың шенеунік өз әрекеттері үшін партиялық жаза алған.
Есепте көрсетілгендей, жарты жыл ішінде ғана 260 мың іс қаралған. Олардың барлығы мемлекеттік қызметтегі шенеуніктердің негізгі ережелерді бұзуына қатысты болған – олар өз әлеуеттерін асыра пайдаланған, сыйлықтар қабылдаған, бай банкеттер ұйымдастырған, қызметтік көлікті жеке мүдделеріне пайдаланған және тағы басқалары. Деңгейі мен лауазымына қарамастан, жарғы бойынша барлық шенеуніктер қарапайым өмір кешуі керек.
Комиссия КХР азаматтарынан келіп түскен бір миллионнан астам шағымдарды қарап шыққан. Анықталған 210 мың тәртіп бұзушылардың істері Қытай Коммунистік партиясының мемлекеттік қызметкерлерге қарапайым әрі ұстанымды өмір сүруді міндеттейтін ішкі кодексі нұсқаулығының 8-ші бөліміне қатысты болған.
Атап айтқанда, аса маңызды емес әрекеттері үшін қызметкерлерді алғашқы 1-3 жыл мансабы бойынша көтермейді. Ал тәртіп бұзу әлдеқайда ауыр болса қызметі төмендетіледі. Қылмыспен тең болып есептелетін ашық және ауыр әрекеттері үшін түрмеге қамалуы немесе ату жазасына кесілуі мүмкін.
