Оқиғалар Францияда белгісіз біреулер мешіт жанындағыларға оқ жаудырған
Француздық Авиньон коммунасындағы мешіттің жанында белгісіз біреулер оқ жаудырды, деп хабарлайды La Provence полицияға сілтеме жасай отырып
Белгілі ақпараттар бойынша, екі қару мен тапанша асынып шабуыл жасаған адамдар оқиға орнын автокөлікпен келіп, мешіттен шығып келе жатқан адамдарға шабуыл жасаған.
Аталғандай, атыс барысында сегіз адам зардап шеккен. Олардың қатарында жеті жасар бала да бар.
Шабуыл жасағандар іздерін суытып үлгерген. Құқыққорғаушылар болған оқиғаны теракт деп бағаламайды және шабуыл салдарды жастардың арасындағы қайшылықтан болды деп болжауда.
Осыған дейін, француздық Лилледе көлікжайда болған шабуылда үш адам жарақат алған болатын. Олардың арасында жасөспірім де бар.