Эвакуатормен біреудің көлігін көтеріп кеткен азамат оны темірге өткізіп жіберген

39 жасар бұрын істі болған азамат азамат ақылға қонымсыз ұрлық жасаған. Ол екі апта бойы Қабанбай батыр көшесіндегі жатақхана маңында қараусыз тұрған «Лада Приора» көлігін эвакуатормен алып кеткен. Оның ойы қарапайым еді. Ол көлікті сатуды ойластырмаған, жай ғана Бабкина Мельница ауданындағы металл сынығына өткізе салған. Ол үшін 50 мың теңге алған. Ал көлік иесі болса екі күн бұрын жасалған ЖЖЕ бұзушылық әрекетіне байланысты көлігін айып тұрағына алып кетті деп ойлаған. Ал барлығы анықталғанда көлік жоғалғандығы туралы арыз жазып, ұрыға іздеу жарияланды. Нәтижесінде әккі ұры қолға трүсіп, сот залынан ьірақ шықты. Ал көлік иесіне қайтарылды. Зардап шегуші тарап кешірім беріп, ұры жазадан құтылмақ болғанымен оның ескі қылмысы кедергі келтірді. Өскемен қалалық №2 соты ұрыны үш жарым жылға бас бостандығынан айырып, мүлкін тәркіледі. Сонымен қатар, ер адамға алкоголь тәуелділігінен емделуіне тура келеді.