Оқиғалар Пәкістанда жанкешті алты адамды өлтірді
Пәкістанның Лахор қаласында террорист-жанкешті жарылыс ұйымдастырып, 6 адамның өмірін қиып, 15 адамды жарақаттады
Фото:
Twitter
Басылымның ақпараты бойынша, жанкешті Пенджаб провинциясында халық санағын жүргізіп жүрген шенеуліктердің жанында жүрген әскери адамдарды өлтірмек болған.
- Бас министр полицияның бас инспекторы, провинцияның барлау өкілдерінің қатысуымен қауіпсіздік қызметкерлеріне жедел жиналыс ашты, - деп хабарлады жергілікті билік өкілі.
Пенджаб провинциясының құқық министрі Рана Санаулла өз кезегінде билік өкілдеріне Лахорда жоспарланған террористік шабуыл туралы ақпарат белгілі болғандығын айтты.
- Ең өкініштісі, қолданылған шараларға қарамастан жарылыстың орын алуы, - деді шенеунік.