Игорь Нанаевтың ісі бойынша сотталушылардың бірі кінәсін мойындады

Tengri News сайты хабарлағандай, 30 наурыз күні Петропавл қалалық сотында баскетболшының өліміне қатысты қылмыстың іс бойынша кезекті отырыс өтті.

Болған оқиғаны сотталғандардың бірі толық баяндап берді. Олжас Еламанның айтуынша, айқай дауыстарды естіген бойда төбелес орын алған орынға жеткен. Олжас төбелесіп жатқандарды ажыратпақ болған, Игорь Нанаевқа бас салған Динаш Қайбаровты итеріп жіберген көрінеді. Айтуынша, күзетті шақырмақ болған ол «Барс» клубының тағы бір спортшысымен ерегесіп, бөгеліп қалған.

- Мен "Парк сити" түнгі клубына барғанда Антроповпен ерегесіп қалдым. Маған жұдырықпен тарпа бас салды, - деді Олжас Еламан айыптаушының сұрақтарына жауап беріп.

Естеріңізге сала кетейік, Петропавл қаласындағы төбелесте баскетболшы Игорь Нанаев көз жұмған болатын.