Оқиғалар Өскеменде қарақшы құрықталды
Қаскүнемді облыстық полиция қызметкерлері бейнебақылау камераларының арқасында ұстады
Облыс орталығының тұрғыны 55 жасар әйелдің құжаттары мен қаражаты сақталған әмиянын тартып алған, деп хабарлайды Устинка LIVE тілшісі.
Зардап шеккен әйелӨскемен қалалық ІІБ 102 нөміріне хабарласып, 30-шы Гвардияшылар дивизиясы көшесіндегі Комендантка аумағында оған белгісіз ер адамның тонағанын айтады.
- Ақпаратты жедел түрде жол-потрульдік полициясының барлық топтарына хабарладық. Сонымен қатар, Жедел басқару орталығңының мамандары қаскүнемді бақылау камералары арқылы іздестіре бастады. Кейін бейнебақылаудың арқасында полицейлер қылмыскердің мекенжайын анықтап, оны «Қыран-70» экипажы құрықтады, - деп хабарлайды ШҚО ТЖД баспасөз қызметі.
37 жасар қарақшы қылмыстық жауапкершілікке тартылды.
Жыл басынан бері полиция қызметкерлері көшедегі бақылау камераларының арқасында 15 қылмыстық істі ашып үлгерді. Олардың 13-і бұзақылық, 2-уі ұрлық.
