Нашақорлар «үйі» анықталды

Қарапайым пәтерден тәртіп сақшылары көп мөлшерде шприц пен есірткі шөбін қайнатуға арналған ыдыс-аяқ тапқан. Сонымен қатар, сол сәтте есірткіге есіріп отырған екі азамат та анықталған.
- Өзі де нашақор болып табылатын пәтер иесіне қатысты ҚР ҚК 302-бабы 1-бөлімі бойынша қылмыстық іс қозғалды (наркотикалық, психотроптық және осы сынды заттарды пайдалануға арналған қорда ұйымдастыру), - деп мәлімдеді ШҚО ІІД баспасөз қызметі.
Енді қорда иесі үш жылдан жеті жылға дейін бас бостандығынан айырылуы мүмкін. Айта кетейік, өткен жылы полиция қызметкерлері облыста осындай оқиға бойынша 9 азаматты қылмыстық жауапқа тартқан болатын.