Шымкентте жалаңаш суреттермен ақша тапқысы келген еркек жеті жылға бас бостандығынан айрылды

Оразали А. Ғаламтор желісі арқылы қызбен танысып, жүруге ұсыныс айтқан. Бірнеше айлық қатынастан кейін қызды таңдауға қояды: не он миллион төлейді, не жалаңаш суреттері әлеуметтік желіге таралып кетеді. Ауыр таңдаудың адуынындағы қыз полицияға шағымданған. Біраз уақыттан кейін жігіт ұсталып, қамауға алынды.

Сотта бопсалаушының кінәсі толықтай дәлелденді. Ақшаның орнына жеті жыл жалпы режимдегі түрмеге жабылатын болған жігіт, жанұясын баскөз болуды тапсыра еңіреп жылаған. Соңғы уақытқа дейін жігіт ұзақ мерзімге қамалмаймын деген сенімде болған. Алайда істеген ауыр қылмысы жазасын жеңілдетуді қарамайды.