Оқиғалар ШҚО-да ер адам басқа біреудің атынан несиеге телефон алған
Өскемен қалалық №2 сотында алаяқтықпен жолмен ақша таппақ болған азаматқа қатысты қылмыстық іс қаралды
Ісі қаралған азамат қалалық автовокзал аймағында біреудің жеке бас куәлігін тауып алған. Сауда үйлерінің біріне барып жалған қолтаңба жасатып алған ол, сол жеке куәлік иесінің атынан несиеге ұялы телефон алған.
- 104 мың сомаға екі ұялы телефон алған, - деп хабарлайды Өскемен қалалық №2 сотының баспасөз қызметі. – Телефондарды алғаннан кейін, орталық базарға апарып 68 мың теңгеге сатып жіберген.
Қылмыскер алаяқтық әрекеті үшін, кінәлі деп танылып, бір жылға бас бостандығынан айырылды. Мүлкі тәркіленді. Үкім әлі заңды күшіне енген жоқ.