Оқиғалар Өскеменде күйеуі әйелінің 1,5 млн теңге сомасындағы асыл тастарын ұрлаған
8 мамыр күні 36 жасар қала тұрғыны өзінің алтыннан жасалған асыл бұйымдарының жоқтығын байқап, полиция қызметіне шағымданған
Үлбі полиция бөлімінің қызметкерлері ұры бірден тауып алып, қамауға алды. Ұрлық жасаған адам арыз жазушы әйелдің күйеуі болып шықты. Күйеуінің тарапына қылмыстық іс қозғалды.
Жақын туыстардың ұрлық жасаған бұл жалғыз жағдай емес екен. Осы оқиғаға дейін үш күн бұрын полиция қызметіне 58 жасар әйел келіп шағымданады. Қарт әйелдің сөзіне сенсек оның үйінен алтын сырға, жүзік, білезіктер мен 20 мың теңге жоғалған. Алтын бұйымдардың жалпы сомасы 400 мың теңгеге тең екен.
Жедел іздестіру шараларының нәтижесінде полиция қызметкерлері екі күннің ішінде ұрыны ұстады. Ұрлық жасаған әйелдің 30 жасар ұлы болып шықты. Полицейлер ер адамнан барлық ұрланған заттарды табылып иесіне қайтарылды. Әйелдің ұры ұлы ұрлығы үшін қылмыстық жауапкершілікке тартылады.