Оқиғалар Өскемендік полицейлер көлік тонап жатқан ер адамды ұстады
Өскемен полицейлері түнгі сағат 11.00 шамасында «Ваз-21099» көлігін тонап жатқан қаскүнемді ұстады
Аулаларды аралап жүру барысында «Байкал - 5» патрульді экипажы Қазақстан көшесінің ауласында жас жігітті құрықтады. Жеңіл көліктің жанында сөмкемен тұрған жігіттің қылықтары тым ерсі болды.
Тексеру барысында сөмкеден автокөліктің құрал-саймандары мен заттар жатты. Ал жігіт оның қайдан алғанын дұрыс түсіндіре алмады. Сонымен қатар, полицейлер келер алдында жігіт көліктің есігін ашып алып, көлік иесінің заттарын ұрлаған. Ал бұл тонауға дейін Ваз-21099» көлігінің жүк салғышынан 50 мың теңгені құрайтын құрал-саймандарды жымқырған.
Ұрыдан алынған заттар көлік иелеріне қайтарылды.
Екі көліктің тонаған 32 жасар ер адам бұған дейін де осы қылмыстар бойынша істі болған. Қазір ол қайта қылмыстық жауапқа тартылып, уақытша қамау изоляторына алынды. Қазіргі уақытта полицейлер оның өзге істерге қатысы бар жоғын тексеруде.
