Оқиғалар Мысыр ұшағын жаулап алған адам ұсталды
Кипр сыртқы істер министрлігі мекемесінің хабарлауынша, EgyptAir авиакомпаниясының ұшағын жаулап алған адам тұтқындалды
Фото:
timeswv.com
- Бәрі бітті. Қылмыскер қамауға алынды, - деді мекеме өзінің Твиттер парақшасында.
Кипр билігі жаулаушыны ұшақ ішінде болған барлық адамдарды босатқаннан кейін барып тұтқынға алғанын мәлімдеді. Нәтижесінде, жолаушылар мен экипаж мүшелерінің ешқайсысы жарақат алған жоқ.
Сейсенбі күні таңертең Egypt Air авиакомпаниясының Александриядан Каирға ұшар алдындағы ұшағының басып алынғандығы жайлы хабарланған болатын.
Келіп түскен ақпараттар бойынша, жаулап алушы ұшақтың Кипр немесе Түркияға ұшуын талап еткен болатын.
Ұшақ Кипр жеріне келіп қонғаннан кейін, ол көп ұзамай жолаушыларды біртіндеп босата бастайды. Авиалайнерден көбінесе мысырлық әйелдер мен жас балалар босап шыққан.
Кейінірек басқа жолаушылар да босатылды. Соңғы болып лайнерден ұшқыштар шыққан.
Ұшақты жаулап алу себептері әлі күнге белгісіз.