Қасым-Жомарт Тоқаев ұшақ апатынан қаза болғандардың отбасыларына көңіл айтты

Алматы облысында жолаушылар ұшағы апатқа ұшырағаннан кейін, таңертеңгі сағат 10-да Нұр Сұлтан қаласында төтенше жағдайлар комитеті, Денсаулық сақтау министрлігі және Ішкі істер министрлігі өкілдерінің қатысуымен жедел брифинг өтті, деп хабарлайды Sputnik Қазақстан.
Қасым-Жомарт Тоқаев қаза болғандардың туыстары мен жақындарына көңіл айтты және болған оқиғаға жауаптылардың бәрі жазаланатынына уәде берді.

- Бүгін, 27 желтоқсанда Алматы маңында ұшақ құлаған кезде қайтыс болған азаматтардың туыстары мен жақындарына қайғырып көңіл айтамын. Жапа шеккендерге көмектер көрсетіледі. Асқар Маминнің басшылығымен үкіметтік комиссия құрылды. Барлық кінәлілер заң бойынша қатаң жазаланады, - деп жазды Президент өзінің Twitter-дегі парақшасында.

Оқиға орнында жол-патрульдік полициясының экипаждары мен ондаған жедел жәрдем жұмыс істеуде. Зардап шеккендердің көпшілігі төртінші қалалық ауруханаға жеткізілді. Мәліметтерге сәйкес, сегіз бала жедел медициналық көмек көрсету орталығына, ал бес адам ЖҚКА жеткізілді. 17 науқастың жағдайы өте ауыр.