Оқиғалар Павлодар көлінен құбыжық балықтар табылуда
Бұған көл суына өндірістік қалдықтардың араласып кетуі себеп болған
Былқылдақ көлі ластанып кеткен, деп хабарлайды pavlodartoday.com сайты. Судың құрамында сынаптың мөлшері 20 есе көп болып шыққан. Суда тұнғын ауыр металдың кесірінен мөңке балық, теңбіл балық, тұқы, сазандардың генетикалық тегі өзгеріп, құбыжыққа айналып кеткен.
- Балықтардың 36 пайызының сыртқы келбеті өзгеріп кеткен, - дейді Павлодар қаласының ветеринария бөлімінің дәрігері Марат Жарылғасынов.
Ал полицейлер көл маңын патрульдеп, мал мен жанды жақындатпай жүр. Жергілікті әкімдер көл маңында мал бағуға, балық аулауға тыйым салды.