Оқиғалар Жапонияда ірі жанартау табылды
Егер бұл жанартаудан 34 текше километр магма атылатын болса, онда бүкіл Жапония аралын құртып жібере алады
Кобе Геологиялық Университетінің ғалымдары Жапония жағалауында ірі жанартау жатқанын анықтады, деп хабарлайды РИА Новости. Онда көлемі 34 текше шақырым болатын магма сұйықтығы толып жатыр.
Ғалымдар осыдан 7 мың жыл бұрын атылған Кикай жанартауының қазандығын тексеріп көрген. Бұл жанартау Жапонияның оңтүстігіндегі бүкіл өркениеттің көзін құртқан. Ғалымдар жанартаудың астында биіктігі 600 метр, радиусы 10 шақырым болатын магма қалдығын анықтаған.
- Теңіз түбін зерттеген ғалымдар магма бұққан күмбездің кеңейіп келе жатқанын айтады. Егер жанартау атқылайтын болса, онда одан пайда болған цунами Қытай жағалауы мен Оңтүстік Америка мен Солтүстік Америкаға да жетуі мүмкін, - дейді мамандар.
Дегенмен, мұндай жағдайы болмауы да мүмкін. Ғалымдар мұндай апаттың орын алу ықтиалдығы 1 пайызға тең екендігін айтады.