Оқиғалар Өскеменде екі жол-көлік оқиғасына кінәлі қылмыскер іздестірілуде
Бірнеше көліктің қатысуымен болған апат ақпан айының 27-нен 28-не қараған түні ЖМК ауданындағы перзентхана маңында орын алды
Фото:
automir.pro
Белгісіз жүргізуші шет ел автокөлігіне соқтығысқан, соның салдарынан ол жанында тұрған көлікті де майыстырып, сырып кеткен. Ұқыпсыз жүргізушінің артында әйнек пен көлік бамперінің сынықтары сынды айғақтар қалды.
- Көліктерімізді кешкісін тұраққа қалдырып кеткенбіз, ал таңертең келсем менің көлігім мен көршілес тұрған көліктің сырт жақтары майысып қалған, - дейді зардап шеккен қала тұрғыны Нұрия. – Тұрғындардың айтуынша, түнгі сағат 12-лер шамасында күдікті көлік байқалған және қатты дыбыс естілген. Алайда, ешкім көлікті толық сипаттап айта алмады. Қандай да бір ақпарат білетін куәгерлерге көмек берулеріңізді сұраймыз.
Егер орын алған оқиға туралы ақпарат білетіндер болса, 102 нөміріне хабарласуларыңызға болады.
