ШҚО-да ұйымдасқан қылмыстық топ заңсыз балық саудасымен айналысты
ШҚО қылмыстық іс сотының коллегиясы Еуро Одаққа заңсыз балық тасымалына қатысты прокуратураның қарсылығын қабыл етті
Фото:
yvision.kz
Ұйымдасқан топтың құрамына кірген барлық мүше кінәлі деп табылғанын облыстық прокуратураның бірінші орынбасары Рашид Апеков баспасөз брифингінде мәлімдеді.
Оның айтуынша 2015 жылдың қазан айында ауданаралық арнайы соттың шешімімен қылмыскерлердің кінәсі жартылай ақталды. Ал облыстық прокуратураның 2 млрд теңге көлеміндегі өтемақыны төлеу өтінімі қарастырылған жоқ.
Аппеляциялық коллегияның шешімімен осыған дейін дәл осындай қылмыспен істі болып, 5 жылға бас бостандықтарынан айырылған ұйымдасқан топтың мүшесі Дамиля Абышева жасөспірімдерді іске баулығаны үшін жеті жарым жылға, оның серіктесі «Рыбаки Зайсана» өндіріс кооперативінің төрағасы 7 жылға сотталды. Ал топтың қалған үш мүшесі 5 жылға бас бостандықтарынан айырылды.
Тергеу амалдарының құжаттарына сәйкес ұйымдасқан топ, жалған құжаттармен мекеменің атынан Еуроодаққа жалпы сомасы 1 млрд 908 млн теңге көлемінде серке балығын шығарған.
Сонымен қатар Дамиля Абышева 424 млн теңге сомасын құрайтын мемлекет салығын төлемеген. Жалпы мемлекетке 2 млрд 333 млн теңге көлемінде шығын тигізілді.