Оқиғалар Тәртіп сақшысы қалтасынан үш көліктің жөндеу жұмысына қаржы жұмсайды
Павлодар облысында орын алған ірі жол-көлік оқиғасының себепкері полиция қызметкері болып отыр. Оған үш шетелдік көліктердің жөндеу жұмысына қалтасынан қаражат шығаруға тура келеді
Фото:
misanec.ru
Павлодар облысында полиция қызметкері ірі жол апатына себепкер болды. Адам қазасы жоқ. Бірақ зақым келген үш көлікті жөндетуге тәртіп сақшысының біраз шығындалатын түрі бар, деп хабарлайды КТК сайты.
Жол апаты Екібастұз қаласындағы қиылыстардың бірінде болған. «Land Cruiser» «Camry»-ға жол бермей, қағып өткен. Джип әрі қарай барып, жолдың қарсы бетіндегі «Kia Rio»-ға соғылған. Көліктегілер дін аман. Ал «Land Cruiser»-ді тізгіндеген 22 жастағы патрульді полиция сержанты екен. Қазір оның жол ережесін неліктен өрескел бұзғаны анықталуда. Кінәсі дәледенсе қызметінен қуылатынын жеткізді Ішкі істер депаратментіндегілер.
