Оқиғалар Кеше Өскеменде бензин тасымалдаушы көлік автобуспен соқтығысты
Защита көпірінде «КамАЗ» и Scania маркалы автокөліктері соқтығысып қалған. №1 бағытындағы автобус жолаушылары елеусіз жарақаттар алған
Фото:
Устинка
Кеше кешкі сағат 17 мен 18-дің аралығында Защита көпірі маңында №1 бағытындағы Scania жолаушылар тасымалдайтын автобус бензин толы цистерна тіркелген «Камазбен» соқтығысып қалды.
Ол уақытта автобуста 15 жолаушы отырған. Олардың екеуі – әйел адам мен бала жеңіл жарақат алған. Өзге жолаушылардың денсаулығы мен өміріне қауіп төнген жоқ.
«КамАЗ» көпірден Бажов көшесіне қарай түсіп келе жатқан, - дейді ШҚО ІІД баспасөз қызметінің басшысы Бақытжан Торғаев. – Тексеріс нәтижесі көрсеткендей еңісте бензин тасымалдаушы көліктің тежегіші істен шыққан. 35 жасар жүргізушінің үстінен белгіленген тәртіп бойынша жол жүру қауіпсіздігін сақтамағаны үшін әкімшілік хаттама толтырылды.