Оқиғалар Күршім ауданында құтқарушылар жол-көлік апатына түскендерге көмектесті
Күршім-Үлкен Нарын тас жолында жол-көлік оқиғасына ұшыраған адамдарға құтқару қызметінің көмегі қажет болды
Жүргізуші көлік тізгініне ие бола алмай, автомобилі аударылып қалды, деп хабарлайды Ustinka LIVE тілшісі. Оқиға орнына келген жедел жәрдем дәрігерлері үш зардап шегушіні ауруханаға жатқызды.
Дәрігерлер жолаушылардың бірін шығара алмағандықтан, жедел құтқару қызметін шақырған. №30 өрт сөндіру бөлімінің қызметкерлері арнайы құралдардың көмегімен автокөліктің төбесін ашып, зардап шегушіні мұқият алып шығып, дәрігерлерге тапсырды, - деп хабарлады ШҚО ТЖД баспасөз қызметі.
Құтқарушылар төтенше жағдайда "112" нөміріне қоңырау шалу қажет екенін еске салады.
