Оқиғалар ШҚО-да жедел жәрдем көлігі апатқа ұшырап, екі адам көз жұмды
Оқиға 3 ақпан күні, кешкі сағат 19.25 шамасында болған. 29 жастағы жігіт тіркемесі бар ДАФ маркалы жүк көлігімен ауа райының қолайсыздығына қарамастан Өскемен-Семей бағытында жолға шыққан
140 шақырым жолдың 58 шақырымына келгенде көктайғақ салдарынан тізгінге ие бола алмай, қарсы бағыттағы ГАЗ-A31R23 маркалы жедел жәрдем көлігін барып соғады. Апат салдарынан жедел жәрдемнің ішіндегі 1972 және 1979 жылдары туған 2 жолаушы сол мезетте көз жұмған. Ал 44 жастағы жедел жәрдем көлігінің жүргізушісі дене жарақатымен Семейдегі ауруханаға жеткізілді.
- Аталған факті бойынша Қылмыстық кодекстің 345-бабы 4-бөлігі бойынша сотқа дейінгі тергеу басталды. Бірқатар сот сараптамалары тағайындалды. Сотқа дейінгі тергеу жалғасуда, - деп жазады облыстық полиция департаментінің баспасөз қызметі.
Следующая →
