ШҚО-дағы жол апатынан төрт адам зардап шекті

Тәртіп сақшыларының алдын ала болжауынша, апат көктайғақ салдарынан және жүргізушінің жаздық жөңгелекті қыстыққа айырбастамауы салдарынан орын алған

ШҚО ПД ақпараттарына сүйенсек, кеше таңертең Өскеменнен Алтай ауданына бара жатқан LADA Priora тас жолдың 55-ші шақырымындағы қауіпті бұрылыста тізгінге ие бола алмай, қарсы жолаққа шығып кетіп Тoyota-ға соғылған, ол соққыдан Lada Granta-ға соғылады.

- Төрт адам түрлі дене жарақатымен ауруханаға жеткізілді, - дейді мекемедегілер. - ЖКО орын алған жол үсті көктайғақ болған, ал Priora-да жаздық дөңгелектер болған. Сараптама тағайындалды, соның нәтжесінде шешім қабылданады.

Тәртіп сақшылары дөңгелекті мерзіміне қарай уақтылы айырбастап отыруды ескертеді.

Тақырыптар: ДТП в ВКО ДП в ВКО Гололед в ВКО