Оқиғалар Бір орында екі жылқыны көлік қаққан
Кеше, 29 қыркүйек күні, 19.15-те Привольное ауылына жақын маңда екі рет үй жануарының қатысуымен жол-көлік апаты орын алды
Оқыс жағдай Семей-Өскемен тас жолы бойында болған. Бір орында екі рет жылқыны көлік қағып кеткен. Көліктер зақымданып, мал өліп кеткен.
ШҚО ПД баспасөз қызметі хабарлағандай, екі көлік жүргізушісі де 1996 жылғы. Бірінші Toyota Hilux көлігі жылқыны қағып кетсе, артынша Honda CR-V көлігі тағы бір жылқыны қаққан.
- Екінші көліктің жүргізушісіне медициналық көмек қажет болды, - деді полиция қызметкерлері.
Қазір тәртіп сақшылары қараусыз қалдырған жылқы иелерін іздеп жатыр. Әкімшілік хаттама толтырылды.