Оқиғалар Жүргізуші зардап шекті
Кеше кешке Шәкәрім даңғылы бойындағы Полиция департаменті маңында апат орын алған
Облыстық Полиция департаментінің баспасөз қызметі хабарлағандай, Honda Saber көлігін тізгіндеген жүргізуші жылдамдықты асырып, рөлге ие бола алмай, "ВАЗ 2107" көлігіне соғылған. Осы уақытта "ВАЗ 2107" көлігі солға бұрылып кетле жатқан. Алайда қатты соққыдан жанындағы Skoda Octavia көлігін де іліп әкеткен.
Бұл апатта "ВАЗ 2107" көлігі қатты зақымданған. Көлік қатты майысқан, жүргізуші де зардап шегіп, түрлі жарақат алған ол ауруханаға жеткізілген.
Honda Saber көлігінің жүргізушісі "ВАЗ 2107"-тің габариттері қосылмағанын алға тартып, сол себепті байқамай қалғанын айтады. Дегенмен апат себепкерін медициналық тексерістен өткізген тәртіп сақшылары жаңылыспаған көрінеді.
- Honda Saber жүргіщушісіне қатысты ҚР ҚК 608-бабы 3-бөлігі "Мас күйінде көлік жүргізу" бойынша әкімшілік хаттама толтырылды, - деп мәлімдеді мекеменің баспасөз қызметі. - Көлік арнайы тұраққа қойылды.
Следующая →
