Өзінің бетін қайтарған қыздың баласын ұрлап, өлтіріп кеткен

22 жастағы ер адам баланы анасының көз алдында ұрлап әкеткен, сол кезден бастап іздеу жұмыстары жүргізілді

Бала Бұрма ауылында 5 қыркүйек күні жоғалды, оны анасының танысы ұрлап кеткен. Бірнеше сағат бұрын баланың мәйіті бұтаның арасынан табылды, деп хабарлады еріктілер.

Іс бойынша басты күдікті – баланың анасының танысы, олар бұрын көңіл қосқан екен.

Әйел қайта қосылғысы келмеген соң, еркек өш алуды ұйғарған. Ол баланы куәгерлердің көз алдында ұрлап әкетіп, кейін ізін жасырған.

Іздеуге 200-ден астам адам жұмылдырылды, алайда нәтиже болмады.