Оқиғалар Көлікті айдап кетіп, автобусқа соғылды
Автобус пен жеңіл көлік 5 тамыз күні Тоғас көшесінде соқтығысқан
Полиция басқармасы хабарлағандай, жол апатына "ВАЗ-21063" маркалы жеңіл көлік жүргізушісі кінәлі. Тіпті, ол бұл көлікті қалалық ТҚКС-тердің бірінен айдап әкеткен.
- 30 жастағы азамат көлікті Су арнасы ауданында орналасқан техникалық қызмет көрсету стансаларының бірінен ұрлап кеткен. Бірақ артынша № 71 бағыттағы автобусқа соғылып қалған, - деп хабарлайды Полиция басқармасының баспасөз қызметі.
Апат кезінде автобуста 50 жолаушы болған. Соның ішінде 56 жастағы әйел жарақат алған.
- ВАЗ жүргізушісі де түрлі жарақат алып, ауруханаға жеткізілді, - деп хабарлайды мекеме.
Қазір көлік ұрлаған азаматқа қатысты ҚР ҚК 200-бабы 1-бөлігі бойынша қылмыстық іс қозғалды. Енді ол 1000 АЕК айыппұл төлейді немесе түзету жұмыстарына тартылады не 2 жылға бас бостандығынан айырылады.
Следующая →
