Оқиғалар Оқыс апат алты адамның өмірін қиды
Кеше Семей-Қарауыл тас жолында Tоyota Corola мен Lada Priora көліктері бетпе-бет соқтығысып, оқыс апат орын алған
Адам өмірін қиған оқыс апат туралы хабар Абай аудандық полиция бөліміне 16.30-да түскен.
Полиция қызметкерлері анықтағандай, шетелдік көлік тізгінінде 47 жастағы Қарауыл ауылының тұрғыны отырған. Ол Қасқабұлақ ауылынан Семейге қарай бет алған. Ал қарсы келе жатқан Lada Priora көлігінің тізгінінде Семей қаласының тұрғыны - 32 жастағы әйел адам отырған.
- ЖКО салдарынан алты адам көз жұмды. Оның ішінде жасқа енді толған нәресте де бар. Түрлі жарақат алған тағы сегіз адам ауруханаға жеткізілді, - деп хабарлады ШҚО Полиция департаментінің баспасөз хатшысы Айгерім Нұрғазина.
Апатқа кім кінәлі екені анықталу үстінде. Апатқа қатысты ҚР ҚК 345-бабы 4-бөлігі бойынша сотқа дейінгі тергеу басталды.
