Оқиғалар Алматы облысында көлік өзенге құлады
Көлікте спортшылар болған. Олар көліктен әрең дегенде шығып, қараусыз қалған бір үйде түнімене құтқарушылардың көмекке келуін күткен
Республикалық жедел-құтқару жасағының кезекші-диспетчерлік бөліміне Жамбыл облысындағы Айқым ауылында спорттық бағдарлау бойынша жарыстар кезінде екі спортшының жоғалғандығы туралы хабар түскен.
- Жарысты ұйымдастырушы "Мицубиси Паджеро" маркалы көлікте екі спортшының көрсетілген орынға қайта оралмағандығын хабарлады. Ұйымдастырушылар өздері іздеу жұмыстарын өткізген. Алайда, олар сәтті болмаған, - делінген хабарламада.
Жоғалған спортшылар "Қырқұдық" станциясынан 2 км қашықтықтан табылған.
- Анықталғандай, спортшылар болған көлік аударылып, өзенге құлаған. Көлікте спортшылар болған. Олар көліктен әрең дегенде шығып, қараусыз қалған бір үйде түнімене құтқарушылардың көмекке келуін күткен, - деп ТЖ комитетінде пайымдады.