Оқиғалар Алматыда әйел жаяу жүргіншілер жолындағы бес адамды қағып кетті
Алматыда «Субару Трибэка» көлігінің жүргізушісі жаяу жүргіншілер жолымен өтіп бара жатқан бес адамды қағып кетті. Оның ішінде екеуі – бала
Жол-көлік оқиғасы Жандосов-Береговое көшелерінің қиылысында болған. Оқиға орнына төрт бірдей жедел жәрдем көлігі шақырылды.
- Төрт және он жастағы екі бала Балалар жедел көмек көрсету орталығына жөнелтілді. Кішісі нейрохирургия бөліміне жатқызылды. Оның жағдайы орташа. Үлкені қажетті медициналық көмек көрсетілген соң, амбулаториялық емделуге жіберілді, - депқалалық денсаулық сақтау басқармасы хабарлады.
Ал зардап шеккен үш әйел №7 қалалық ауруханаға жеткізілді.
- Дәрігерлердің сөзіне қарағанда, 52 жасар әйелдің жарақаты ауыр. Жан сақтау бөлімінде жатыр. Ал 29 жасар әйел нейрохирургия бөліміне жатқызылды. Жарақаты орташа. 53 жастағы әйел травматология бөліміне жеткізілді. Жарақаты орташа, - деп хабарлайды қалалық денсаулық сақтау басқармасының баспасөз қызметі.
