Мәслихат депутаты мен ОҚО әкімі кеңесшісі жол апатынан көз жұмды

Оқиға жексенбі күні Түркістан қаласынан 40 шақырым жерде Шымкент-Самар тас жолында орын алған.

Баспасөз қызметі таратқан ақпаратқа орай, «Тойота Ланд Крузер» автокөлігі «Газ-53» жүк көлігімен соқтығысқан. «Тойота Ланд Крузер» көлігін басқарған 32 жастағы Түркістан қаласының тұрғыны болса, жүк көлігінің рөлінде 37 жасар Сайран ауданының тұрғыны отырған.

«Тойота» көлігінде отырған 46 жасар Шымкент қаласы мен 55 жасар Мақтаарал ауданының тұрғыны қаза тапты. Ал жүк көлігінің жүргізушісі жан сақтау бөліміне жеткізілді.

Полиция қызметкерлерінің деректеріне қарағанда, жүк көлігі жол жиегіне тоқтап тұрған. Ал жүргізуші болса, оны жөндеп жатқан. Бұған «Тойота» көлігі келіп соғылған.