Оқиғалар Кеше Өскеменде қатты жел тұрып, автокөлік үстін ағаш басып қалды
Өскеменнің құтқарушылары ауа райынан зардап шеккен автокөлік жүргізушісіне көмектесті
ШҚО ТЖД құтқарушылары дауылды ескертуді таратумен, келе жатқан қолайсыз ауа райы туралы уақытында хабарлады.
15 маусым күні қатты жел мен найзағайлы жауын-шашынның нәтижесінде Бажов көшесінде жеңіл автокөлікке ағаш құлап кетіп, иесі құтқарушылардан көмек сұрады. ШҚО ТЖД Жедел-құтқару жасағының қызметкерлері оқиға орнына келіп жетіп, бензопила және манипулятордың көмегімен жеңіл көлікті ауыр ағаш діңінің астынан алып шықты. Сол сәтте автокөлік салоны бос еді, ешкім құрбан болған жоқ.
ШҚО ТЖД халыққа құтқарушылардың қолайсыз ауа райы туралы ескертулеріне мұқият қарауды сұрайды. Ешқашан өз автокөліктеріңізді қауіпті аймаққа, ағаштардың қасына және әлсіз бекітілген құрылымдардың жанына қоюға болмайды.
Төтенше жағдай кезінде 112 номеріне хабарласыңыз.