Оқиғалар ШҚО құтқарушылары ірі қоймадағы өртті екі сағат бойы сөндіре алмады
Таңертең ерте жалын 200 шаршы метр қойманы шарпыды, екі жүк көлігі мен бір жеңіл көлік зардап шекті
Өскемен қаласындағы кәсіпорындардың бірінде өрт сөндіру қызметіне қойма жанып жатқаны туралы қоңырау бүгін таңғы 6-да түсті, деп хабарлайды Устинка LIVE тілшісі.
Дереу оқиға орнына өрт сөндіру қызметінің күштері мен құралдары жіберілді. Қойма ішіндегі 2 жүк автокөлігі мен 1 жеңіл автокөлік отқа оранған еді, - деп хабарлады ШҚО ТЖД.
Өрт сөндірушілердің үйлесімді іс-қимылдарының арқасында өрт 200 шаршы метр жалпы алаңда 8 сағат 16 минутта жойылды.
Өрттің алдын ала себебі - электр жабдықтарын монтаждау және пайдалану кезінде өрт қауіпсіздігі талаптарын сақтамау, - деп болжады мамандар.
Өртті сөндіруге жеке құрамнан 38 адам және 11 бірлік техника жұмылдырылды.
ШҚО ТЖД кәсіпкерлерге өрт қауіпсіздігі ережелерін сақтауды ескертеді.
Өрт кезінде 112 немесе 101 нөмірі бойынша дереу хабарлау қажет.
