Оқиғалар ШҚО-да бірнеше сауна қожайындары «жеңгетайлықпен» айналысқан
Шығыс өңірінің тәртіп сақшылары моншалар мен сауналарды, демалыс орындарын және қонақ үйлерді тексеруді бастады
22 қарашада Шығыс Қазақстанда жезөкшелікпен айналысатын, сондай-ақ оларды бір жерге жинап жұмыстарын жүргізіп отырған адамдарды ұстауға бағытталған «Стоп-трафик» жедел-профилактикалық іс-шарасы өтуде, деп хабарлайды Устинка LIVE тілшісі.
- Өскемен мен Семей қалаларында жезөкшелікпен және сутенерлікпен айналысатын монша кешендерінің әкімшілері анықталды. Қазіргі таңда 3 жағдай бойынша ҚР ҚК 309-ы бабы бойынша сотқа дейінгі тергеу амалдары жүргізілуде. Кінәлілер мойындады, олар бес жылға дейін бас бостандығынан айырылуы мүмкін, - деп хабарлайды ШҚО ПД баспасөз қызметі.
Сондай-ақ тәртіп сақшылары қоғамдық орындарда жәбірлеудің 26 фактісін (ҚР ӘҚБтК-нің 449-бабы, 1-бөлігі) және жезөкшелікпен айналысу үшін үй-жай берудің екі фактісін (ҚР ӘҚБтК-нің 450-бабы) анықтады. Жеті адам профилактикалық есепке алынды. Жедел алдын-алу шаралары 2021 жылдың 1 желтоқсанына дейін жалғасады.