Оқиғалар ШҚО полицейлерінің көп мөлшерде есірткі өсімдігін тасымалдаған қылмыскерді ұстаған бейнежазбасы жарияланды
Ақпарат берушінің көмегімен тәртіп сақшылары күдікті қылмыскерді қолға түсірді
Қараша айының ортасында облыстық полиция департаментінің жедел уәкілдері есірткі саудасына қатысы бар деген күдікпен 38 жастағы Өскемен қаласының тұрғынын ұстады, деп хабарлайды Устинка LIVE тілшісі.
Полицейлер оның мінген көлігін тінту кезінде түсі мен иісі ерекше өсімдік тектес заты бар 33 қаптама өсімдік тәркіледі. Сараптама нәтижесінде табылған шөптесін заттың жалпы салмағы 1548,76 грамм кептірілген марихуана екені анықталды.
- Күдікті уақытша ұстау изоляторына қамалды, ҚР Қылмыстық кодексінің 297-бабының үшінші бөлігі «Есірткі өнімдерін аса ірі мөлшерде заңсыз сақтау, өткізу, тасымалдау» бойынша ұсталған адам қылмыстық жауапкершілікке тартылып, 10 жылдан 15 жылға дейін бас бостандығынан айырылуы мүмкін, - деді ШҚО ПД басшысы, полиция полковнигі Сағат Мәдиев.
Следующая →