Оқиғалар Өскемендегі №32 автобус тағы да апатқа ұшырады
Неге дәл осы автобустың жолы болмай-ақ қойды: таңертең Жаңа Соградан шыққан №32 бағдар бағанаға барып соғылды
Фото:
Устинка LIVE
ШҚО полиция департаментінің баспасөз қызметінен түскен мәліметке қарағанда, 16 қараша күні сағат 8.20-да Согринская көшесінен Шаяхметов көшесі арқылы Бобровская көшесіне бағыт алған ПАЗ автокөлігінің 51 жастағы жүргізушісі жылдамдықты асырып, сондай-ақ жол және метеорологиялық жағдайларды ескермей, неге көшен шамының бағанасына келіп соғылды, деп хабарлайды Устинка LIVE тілшісі. Бақытына орай, бұл жол апатынан ешкім зардап шеккен жоқ. Алайда материалдық шығын келтірілді.
- «ПАЗ» автобусының жүргізушісіне қатысты жол-көлік оқиғасы бойынша ҚР ӘҚБтК-нің 1-бөлігінің 610-бабы «Жүргізушінің жол жүру ережесін бұзуы» тармағымен әкімшілік хаттама толтырылды. Бұл бап бойынша тағайындалған жаза 20 АЕК (58 340 теңге) көлемінде айыппұл салу немесе алты айға дейін көлік құралын басқару құқығынан айыру, - деп хабарлады ШҚО Полиция департаменті. Еске сала кетейік, таяуда ғана әлеуметтік желілерде 32-ші автобустың Лексус автомобилімен соқтығысып қалған жол-көлік оқиғасы туралы бейнежазбалар пайда болған еді. ШҚО ПЛ қызметкерлері жүргізушілерден жолда сақ болуды сұрайды.
