Оқиғалар Семейде өрт сөндірушілер балаларға жедел көмек көрсетті
Ата - аналардың жауапсыздығынан тағы да төрт бала түтіндеген пәтерде жалғыз қалды, полицей әйел құтқарушыларды шақырды
28 қазанда Қарағайлы тұрғын ауданының пәтерлерінің бірінде бес айлық, екі, төрт және алты жастағы төрт ұл бала ата-анасының қарауынсыз жалғыз қалды. Пәтерде қысқа тұйықталу орын алып, өрт пен үй-жайдың түтіндеуіне себеп болды, деп хабарлайды Устинка LIVE тілшісі.
Сағат 16:30 шамасында Семей қаласының полиция бөлімінің майоры Динара Карбышева қызметтік қажеттілік бойынша үйдің кіреберісінде өрт иісін сезіп, үшінші қабатқа көтеріліп, балалардың жылауын және көмек сұрауын естіді. Әйел дереу өртке қарсы қызметке хабарласып, жедел жәрдем бригадасын шақырды, - деп хабарлайды ШҚО ПД баспасөз қызметі.
Өрт сөндірушілер оқиға орнына тез келді. Құтқарушылар орналастырған автосатының қажеті болмады. Олар пәтерге баспалдақтың есігі арқылы кіре алды. Балалар зардап шеккен жоқ.
Электр сымдарының қысқа тұйықталуы болды. Балалар қамауда отырды. Мен бірден өрт сөндірушілер мен жедел жәрдем шақырдым, - деді Динара Ибадуллақызы.
Көпбалалы ана полицейлерге балаларын құтқарғаны үшін алғыс айтты. ТЖ департаментінің қызметкерлері кішкентай балаларды тіпті қысқа уақыт аралығында үйде жалғыз қалдыруға болмайтынын еске салады.
