ШҚО полицейлері бір апта ішінде 40 көлікті айыппұл тұрағына қойды

1-7 қыркүйек аралығында өткен жедел алдын алу іс-шарасы барысында Әкімшілік полиция қызметкерлері прокуратура өкілдерімен және жеке сот орындаушыларымен бірлесіп әкімшілік айыппұлдарды өндіріп алуға бағытталған жұмыстарды атқарды, деп хабарлайды Устинка LIVE тілшісі.

- Жеті күн ішінде мемлекет бюджетіне 10 миллион теңгеден астам қаражат өндіріліп, әкімшілік құқық бұзушылық туралы қаулыларды орындамағаны үшін мамандандырылған тұраққа 40 автокөлік қамалды, - деп хабарлады ШҚО полиция департаменті.

Сонымен қатар, 2000-нан астам азаматқа әкімшілік айыппұлдар бойынша берешектері туралы хабарланды. 

Осылайша, 7 қыркүйекте Өскеменде тәртіп сақшылары 28 жастағы қала тұрғынының басқаруымен Subaru маркалы көлігін тоқтатты. Ер адамда "Сергек"кешенімен жазылған 19 төленбеген айыппұлы болды. Айыппұлдардың жалпы сомасы - 320 870 теңге.

- Барлық құқұқ бұзушылықтар ҚР ӘҚБтК-нің 592-бабы "белгіленген қозғалыс жылдамдығын арттыру"бойынша жасалған. Осыған байланысты борышкерлердің көлігі айыппұлдарды толық өтегенге дейін мамандандырылған тұраққа қамалды, - деді ШҚО ПД әкімшілік полиция басқармасының бастығы Ернар Базаров.