Өткен аптада ең жиі жасалған қылмыс - интернет алаяқтық

ШҚО-да интернет алаяқтарды құқық қорғау қызметкерлері  Anti-Fraud жедел іздестіру шарасы аясында анықтады, деп хабарлайды Устинка LIVE тілшісі. 

Жедел профилактикалық шаралар өңірде  9 мен 15 тамыз аралығында өткен. Жеті күн ішінде он бестен астам қылмыс әшкереленсе, соның 12-сі интернет алаяқтық, дейді ШҚО ПД қызметкерлері.  

- Жедел профилактикалық шаралар аясында 11 қылмыс ашылды. Интернет ресурстарын тексеру барысында жетпістен астам порнографиялық сипаттағы сайттар анықталды, - дейді ШҚО ПД өкілдері.  

Полиция департаменті қызметкерлері тұрғындарды абай болуға шақырады. Телефон арқылы қоңырау шалып, банк қызметкерлері ретінде өздерін таныстыратын адамдарға сенбеуді ескертеді.